Madeploy an Bureau of Fire Protection (BFP) nin 27,500 bumbero para sa pagkomemorar kan Undas ngunyan na taon.
Matalaga man an bureau kan first aid service team stations asin motorist assistance desks para sa piglalaomang bulos kan mga mabiyahe sa maabot na weekend.
Puon man ngunyan na Martes, Oktubre 28, naka-heightened alert (Code Blue) na an BFP hasts saaga, Oktubre 29.
Ibubugtak man sa Full Alert status o Code Red an BFP puon sa aldaw nin Huwebes, Oktubre 30 hasta sa Lunes, Nobiyembre 3, 2025.
Sigun sa BFP, obheto kan deployment na makapagtao nin tulos na emergency response asin pakusugon pa an mga paghihingoaw tanganing malikayan an insidente kan kasulo sa mga sementeryo, mga terminal, asin iba pang lugar.
Katakod kaini, nagpagiromdom an BFP sa publiko tanganing an kasulo kaibahan na an pagbubugtak sa mga kandila sa stable, non-flammable holders asin itirik ini harayo gikan sa mga pwedeng masulo na materyales siring kan marang dahon, burak asin basura.
Piglikayan man an electrical overloading orog na kun nagggamit nin extension cors para sa manlaen-laen na device, iapon nin marhay an mga kalat asin likayang masulo an mga marang dahon p basura asin gadanon an main electrical circuit breaker, kun mayong mawawalat sa harong.
