Liwat na nagbisita sa Manila South Harbor an pinakadakulang support vessel kan Royal New Zealand Navy, na HMNZS Aotearoa, kasuodma, Oktubre 31 para sa sarong goodwill visit, komo patotoo kan pagpapatibay kan koneksiyon sa defense kan New Zealand asin Pilipinas.
Ini an ikaduwang pagbisita kan barko sa Pilipinas sa laog kan limang taon asin anom na bulan makalihis na pirmahan an Philippines – New Zealand Status of Visiting Forces Agreement (SOVFA), na nagpapakusog sa military cooperation asin nagpaparekas sa paglaog kan defense forces kan lambang nasyon para sa joint activities.
Sigun ki New Zealand Ambassador to the Philippines Catherine McIntosh, an pagbisita kan barko an nagpapahilong soboot kan mas hararom na pakikipag-koordinar kan New Zealand sa sektor kan defense kan Pilipinas.
Sinaysay man ni Commanding Officer Robert Welford na bukas an barko sa mas kadakol na joint activities sa rehiyon, siring man an pakikipagtabangan sa Philippine Navy para sa mga operasyon kaini harani sa archipelagic waters.
Masagibo man an mga opisyal kan barko nin defense engagement asin courtesy calls sa Nobyembre 3.Makalihis kan Manila port call, mapadagos an barko sa Japan para sa masunod na parte kan regional mission kaini.
Napag-araman na an HMNZA Aotearoa, an ugwang tolong primerong tungkulin siring kan pag-replenish kan mga fuel asin supplies sa ibang barko; antartic resupply; asin logistics support vessel.
