NAGA CITY- Piglalaoman an apat pang bagyo na malaog sa Philippine Area of Responsibility antes matapos an taong 2025.
Sa entrevista kan Bombo Radyo Naga ki Ian Neil Nuñez, OIC, CBUSA-Pili Agromet Station, sinaysay kaini na ngunyan na bulan hasta sa maabot na Disyembre posibleng maeksperyensiyahan pa an nasa apat na bagyo na pwedeng maglaog sa Philippine Area of Responsibility.
Alagad sigun ki Nuñez an nasambitan ng forecast an pwede pa man na mabago orog na ta an huring update kaini an kan nakalihis pang October.
Dugang pa kan opisyal, huli ta naglaog na an Amihan season kun kaya laoman na makakaeskperyensiya pa nin makusog na pag-uran sa Camarines Sur partikular sa coastal areas kaini. Apwera pa digde, yaon pa an huma kan La Niña na mamamatean sa bulan kan Nobyembre, Disyembre hasta sa masunod na taon.
Huli kaini, liwat na pigpapalikay an publiko asin padagos soboot na mag-andam tuyong nagkakaigwa nin raot kan panahon.
Sa ngunyan, patanid na sana ni Nuñez sa publiko na pirmeng magsunod sa mga abiso kan saindang kanya-kanyang lokal na gobierno tanganing malikayan an mga untowards incident sa panahon kan kalamidad.
