Nakakaapektar ngonian an ekstensyon o trough kan sarong Tropical Depression na yaon pa sa luwas kan Philippine Area of Responsibility (PAR) o sa silangan na parte kan Visayas asin Mindanao.
Huli sa kaulapan na dara kaini, linalaoman an pag-uran asin maurag na kalangitan sa mga rehiyon kan Eastern Visayas asin Caraga, siring man sa mga probinsya kan Davao Oriental, Misamis Oriental, asin Camiguin.
Base sa huring pagtaya kan weather bureau, an nasabing Tropical Depression huring namansayan sa rayong 1,920 kilometro sa Silangan kan Southeastern Luzon.
Sa presente, nagtataglay ini nin kusog nin duros na minaabot sa 55 kilometro kada oras harani sa tahaw, asin may pagbugso na minaabot sa 70 kilometro kada oras mantang naghihiro pa-northewest sa rikas na 25 kilometro kada oras.
Pinapagiromdoman an mga residente sa mga apektadong lugar na mag-ingat sa posibleng pagbaha asin pagtupas nin daga, siring man an padagos na pagbantay sa mga babala.
Kun ini makalaog sa PAR, tatawan ini nin lokal na pangaran na Queenie na magigin ika-17 bagyo sa Pilipinas ngunyan na 2026.
