Pigsierto kan Office of Civil Defense (OCD) na nagtitinir na bastante an pondo kan gobyerno para sa pagsimbag sa mga kalamidad hasta sa katapusan kan taon.
Sa Malacañang press briefing, pigsaysay ni OCD Spokesperson Junie Castillo, na antes pa man magtama an sunod-sunod na linog asin bagyo siring kan Bagyong Tino, na-replenish na an Quick Response Fund (QRF) sa kasuguan ni Presidente Ferdinand Marcos Jr.
Huli digde, dae ninda nahihiling na kukulangon an pondo asin kun enkaso man na nahiling ninda na dakula an mabawas igwang mga mekanismo an Presidente tanganing tolos na magdugangan an budget.
Kasuarin sana, pig-aprubahan kan Department of Budget and Management (DBM) an labi ₱700 milyon na dugang na pondo para sa disaster response tanganing masierto an dagos-dagos na ayuda asin operasyon kan mga ahensiya sa tahaw kan mga kalamidad.
