Papahigoton pa kan Department of Information and Communications Technology (DICT) an seguridad kan publiko sa online transactions ngunyan na holiday season sa paglulunsar kan “Oplan Paskong Sigurado,” sarong kampanya kontra sa online scam asin digital fraud.
Kasimbagan ini sa kasuguan ni Presidente Ferdinand Marcos Jr. na siertuhon an kasalbaduhan kan kada Pilipino sa paggamit kan e-commerce asin e-payment platforms ngunyan na kapaskuhan.
Sa Malacañang press briefing, pigsaysay ni DICT Secretary Henry Aguda nakikipagkoordinar na an DICT sa Bangko Sentral ng Pilipinas (BSP), mga banko, asin law enforcement agencies tanganing masierto na protektado an publiko kontra sa cybercriminals na nag-aabang ngunyan na panahon kan pagbakal asin pagpapadara nin kwarta.
Kasabay kaini, pinasa kan DICT an mga nagkukuriyat na report sa social media na igwa soboot nangyaring data breach sa GCash.
Sigun ki Aguda, mayong katotoohan an nasambitan ng bareta asin salbado an gabos kan accounts, makalihis an tolos na koordinasyon kan DICT sa National Privacy Commission (NPC), Cyber Investigation and Coordination Center (CICC), asin sa mismong GCash.
