Pigpapabantayan nin marhay ni Senator Chiz Escudero sa mga otoridad na dae maglangkaw an presyo kan mga primerong barakalon makalihis manlamasa an Bagyong Tino sa kadakol na probinsiya kan Visayas asin Mindanao.
Pigtawan-duon kan senador na kaipuhan mabantayang marhay an presyo kan mga bakalon sa panahong ini tanganing malikayan na maabuso kan pirang mga negosyante.
Pigtukdo ni Escudero an pig-akdang Republic Act 10623, kun saen an price control sa mga primerong barakalon an epektibo sa laog kan panahon kan “state of calamity o emergency” alagad dae naman malampas sa 60 aldaw o sa aldaw na i-lift kan presidente an deklarasyon.
Mientrastanto, an mga primerong barakalon man an imported, an price control epektibo sa laog kan maximum na 15 aldaw
Sa irarom kan ley an pinahewas na man an saklaw kan basic asin prime commodities kaibahan an mga inuming tubig na nasa bote o containers, prutas, locally-manufactured instant noodles, household liquefied petroleum gas, asin kerosene siringman an livestock asin fishery feeds.
