Pig-inkaminar kan Law Professor asin Law Book Author na si Atty. Jennifer Arlene Reyes si Sen. Francis “Chiz” Escudero na maging mahigot sa saiyang kapwa senator-judges sa padagos na Impeachment Trial ni Vice President Sara Duterte.
Segun saiya, dapat magin mas aktibo an Presiding Officer asin gamiton an kapangyarihan kan Impeachment Court tanganing masierto na nagsusunod sa mga giya an gabos na hukom.
Bilang Presiding officer, puwede suboot gamiton ni Escudero an Contempt Power, sawayon an mga senator-judges, asin ipag-sugo pa ngani na imute an saindang mikropono kun kinakaipuhan.
Gabos ini, sigun sa abogado, pinapahintulutan kan ley tanganing masiguro na dai naglalabag sa Impeachment Rules an mga senator-judges.
An Presiding Officer, segun pa saiya, may makusog na kapangyarihan sa pagdisiplina sa mga senator-judges asin sa pagtukoy kun may binalgar sindang giya.
Dai suboot maiiwasan na may mga senador na nag-aabuso sa saindang karapatan bilang hukom, kaya dapat magsaway si Sen. Francis “Chiz” Escudero kun kinakaipuhan.
