Dae apektado an Malakanyang sa nagin pagbaba kan trust asin performance ratings ni Presidente Ferdinand Marcos Jr. sa Tugon ng Masa survey kan OCTA Research para sa ikatulong quarter kan 2025.
Kumbinsido si Presidential Communications Office Undersecretary asin Palace Press Officer Claire Castro na dae maaapektaran kan ano man na numero si Presidente Marcos, halangkaw man o hababa.
Hasta sa nagtatrabaho soboot an Presidente asin an gobyerno para sa taumbayan, dae ini apektado kan ano man na survey.
Basado sa pinakahuring Tugon ng Masa survey kan OCTA Research, nagbaba sa 57% an trust ratings ni Presidente Marcos, mas hababa nin 7% kumparar sa 64% kan nakalihis na Hulyo 2025.
Nagbaba man nin 8 points an performance ratings kan Presidente. Gikan sa 62% kan Hulyo, nagbagsak ini sa 54%.
Mientrastanto, sumadsad sa 51% an trust ratings ni VP Sara, mas hababa sa 54% kan ikaduwang quarter kan taon.
Bahagya man na nagbagsak sa 49% an performance ratings kan Bise Presidente, kumparar sa 50% noong Hulyo 2025.
Isinagibo an survey sa 1,200 respondents sa bilog na nasyon sa paagi kan face-to-face interviews magpuon sa Setyembre 30 hasta sa Oktubre 4.
