Nakapreparar na an Department of Health (DOH) tanganing magresponde sa mga lugar na posibleng tamaan asin maapektaran kan Bagyong Uwan.
Sigun sa DOH, nakaalerto na an mga mga health commodities kaibahan an mga bulong sa abo asin kalintura, antibiotic, asin mga maintenance medicine.
Igwa man hygiene kits asin water containers na igwang malinig na inumon na tubig para sa mga malalamasa sa oras kan bagyo.
Nagpakol sa lampas P10 milyon an kantedad kan commodities na nakaantabay.
Naka-standby man an mga Health Emergency Response Teams (HERTs) asin mga DOH hospitals para sa tolos na deployment asin pagsimbag sa mga maapektaran na lugar, apwera pa sa kapreparaduhan na magpadara nin dugang na tabang gikan sa mga kataid na rehiyon enkaso kaipuhanon.
Nakaantabay na man sa deployment an tolong Philippine Emergency Medical Assistance Team (PEMAT) na pigbibisto kan World Health Organization (WHO), na igwang kakayahang magserbe komo outpatient department o magtindog kan paramientras na hospital tents sa oras nin kalamidad.
Sa ngunyan, pigtaas na kan DOH sa Code Blue Alert an buong nasyon huli sa nasambitan ng bagyo.
