Padagos na nagkukusog an Bagyong Uwan mantang naghihiro ini paparani sa Bicol Region.
Huring nanutaran an sentro kan mata kan bagyo sa rayong 380 kilometro silangan kan Virac, Catanduanes, dara an pinakamakusog na duros na 155 km/h harani sa sentro asin pagbugso na nag-abot sa 190 km/h.
Naghihiro ini sa direksiyong kanluran-hilagang kanluran sa rekas na 35 km/h.
Nag-aabot hasta 800 kilometro gikan sa sentro an sakop kan makusog na duros kan bagyo.
Signal No. 4: Catanduanes – piglalaoman an typhoon-force winds sa laog kan 12 oras na igwang rekas na 118–184 km/h.
Signal No. 3: Aurora, hilaga asin silangang parte kan Quezon kaibahan an Polillo Islands, Camarines Norte, Camarines Sur, Albay, hilaga asin silangang parte kan Sorsogon, asin silangang parte kan Northern Samar.
Signal No. 2: Mainland Cagayan, Isabela, Quirino, Nueva Vizcaya, Cordillera provinces, Ilocos Region, Central Luzon, Metro Manila, CALABARZON, Marinduque, parte kan Mindoro, Romblon, Masbate, asin nagkapirang parte Samar, Eastern Samar, Biliran.
Signal No. 1: Batanes, Babuyan Islands, Occidental Mindoro, Calamian at Cuyo Islands, natatadang parte kan Samar, Eastern Samar, Biliran, Leyte, Southern Leyte, Bohol, Cebu, Negros, Guimaras, Iloilo, Capiz, Aklan, Antique, Dinagat Islands, Surigao del Norte, hilagang Agusan del Norte, asin hilagang Surigao del Sur.
