Liwat na nabuhay an mga pangapodan na protehiran asin isalbar an mga kabundukang pinagtutubodang protektor o pang-ulang kontra sa panlalamasa kan super typhoon siring kan Uwan. Kaibahan na digde an Sierra Madre, Cordillera Range asin Caraballo Mountains.
Kadakol sa mga Pilipino an nangapodang protehiran an mga ini kontra sa iligal na pagmimina asin iligal na pagtotroso.
An Sierra Madre an pigkokonsiderar na “backbone kan Luzon” huli sa pagsagang kaini sa mga bagyo antes pa man mag-abot sa kapatagan asin an pinakahalabang kabukidan sa bilog na Pilipinas na igwang labang 540 kilometro gikan sa Cagayan sa norte hasta Quezon sa timog na parte kan Luzon.
Tinukoy man kan Climate Change Commission kan Pilipinas na an Sierra Madre komo natural fortress asin first line of defense kan Luzon kontra sa mga kalamidad.
Alagad dakulang huma ngunyan sa Sierra Madre an mga iligal na aktibidad siring kan pagmimina.
Illegal logging, asin quarrying na nakadanyar na sa nagkapirang parte kan kagubatan asin nakadugang pa sa problema siring kan landslide o pagguho kan daga asin baha.
An Cordillera Range man an 320 kilometrong laba na pigbibilog kan mga probinsiya kan Cordillera Administrative region siring man kan sirangan na parte kan Ilocos Norte, Ilocos Sur, La Union asin Kanlurang parte kan Pangasinan, Nueva Vizcaya asin Cagayan.
An Carabello Mountains man an igwang labang 54 kilometro asin nasa tahaw kan Cordillera asin Sierra Madre mountain range.
Mientrastanto, nilinaw man kan storm chaser na si Josh Morgerman na presenteng nasa nasyon, an misconception dapit sa Sierra Madre.
Nagpapaluya soboot kan Sierra Madre chain an mga bagyong makalihis na maglandfall sa east coast kan Luzon.
Dae soboot prinotehirran kan nasambitan ng mga bulubundukin an east coast kan Luzon na regular na nakakaeksperyensiya kan nagkapira sa makukusog na epekto kan mga bagyo sa bilog na kinaban.
