Kanselado an pagtiripon sa pagultanan kan Vietnam asin Senado kan Republika nin Pilipinas ngunyan na Lunes, Hunyo 1.
Kinumpirmar ini kan mismong Senate Public Relations and Information Bureau.
Magkakaigwa kudta nin pagtiripon an Senado, kun sain representante kaini si Senate President Alan Peter Cayetano, asin an Vietnam sa pangengenot ni President To Lam.
Alagad sa dai pa ipigbubulgar na rason, kinansela kan presidente an saindang iskedyual na paghirilingan ni Cayetano.
Parte ining aktibidad kan duwang aldaw na state visit kan Vietnamese president sa nasyon, na igwang obhetong urog pang pakusugon an relasyong bilateral sa pagultanan kan duwang nasyon.
Nagpuon na maging makusog an koordinasyon kan Pilipinas asin Vietnam kan taong 2015, segun kay Presidente Ferdinand Marcos Jr.
