Nagtutubod si Senator Kiko Pangilinan na napapanahon an sagip-buhay na mga lakdang kan gobierno ngunyan na sunod-sunod an mga kalamidad sa nasyon makalihis magluwas nin twin executive orders an gobierno sa tahaw lan panlalamasa kan mga bagyo.
An mga ini an EO 100 na nagtatao nin mandato sa Department of Agriculture (DA) na magtakda ni floor price sa pagbakal kan paroy tanganing dae malugi an mga paraoma ngunyan na igwang mga kalamidad asin an EO 101 o an Sagip Saka Act kun saen an gobierno asin mga LGUs direktang babakalon an mga ani kan mga paraoma asin mga nadadakop na sira kan mga pararasira na mayong public bidding.
Nagtutubod si Pangilinan na magkatabang an duwang EO tanganing mapapusog an farmgate prices asin mapamarhay man an market access kan publiko sa mga produkto.
Apwera pa digde, dakulang tabang man soboot sa mga paraoma an pagpapalawig sa rice import ban hasta sa katapusan kan taon asin paglangkaw kan taripa na makakatabang tanganing maproteheran an mga lokal na producers asin mga parabakal.
Nagtutubod an senador na kun marhay an pagpapautob kan mga kasuguan na ini makakatabang ini para sa pagpapakarhay kan taripa, kontrol sa pag-import, seguridad sa pagkakan, bastante na kita sa mga paraoma asin mga parasisira asin abot-kayang pagkakan sa kada pamilya.
