Nakasentro an Department of Education o DepEd Camarines Sur sa welfare asin workload kan mga parateachers, partikularmente sa pag-atubang sa mga angat apwera sa paglangkaw kan temperatura sa mga eskwelahan.
Sa intrevista kan Bombo Radyo Naga kay Salvador Bogs Pelingon – Division Information Officer, Deped-Camarines Sur, pigkokonsiderar kan ahensya an magkakanigong interbensyon para maprotehiran an mga paratukdo asin mga estudyante sa panahon nin labi-labing init.
Kabali sa pigkokonsiderar iyo an paggamit nin alternatibong modality nin pag-adal kun nagigin sobra an init, orog na sa mga eskwelahan na may mga lumang klasrum asin limitado an access sa aircon.
An lakdang na ini nagtutumong na maibsan an epekto kan labi-labing init sa proseso nin pag-adal, mantang pigkokonsiderar man an kamugtakan asin trabaho kan mga paratukdo.
Base sa pahayag ni Boggs-Pilingon, padagos na babantayan kan DepEd an sitwasyon asin an weather forecast tangarig maiimplementar an magkakanigong interbensyon kun kinakaipuhan.
An danay na pretorial kan DepEd iyo an seguridad, karahayan asin tamang kondisyon sa pagtrabaho kan mga paratukdo, apwera sa pagsierto na padagos an pag-adal kan mga estudyante sa Camarines Sur.
