Makundusir nin protesta an bagong grupong United People’s Initiative (UPI) puon Nobyembre 16 hasta 18 sa EDSA People’s Monument asin Luneta Park sa Manila, kasabay kan tolong aldaw na rally kan Iglesia ni Cristo (INC).
Obheto kan protesta na maghagad nin paninimbagan, katarungan, asin integridad sa mga politiko alagad pigtawan-duon kan grupo na dae kaini ibubusol an pagbubutas ni Presidente Ferdinand Marcos Jr. tanganing maribayan ini ni Vice President Sara Duterte.
Sigun sa UPI, suportado soboot kan saindang ikakasang hiro-protesta an mga miyembro kan INC,Jesus Is Lord (JIL), Kingdom of Jesus Christ (KOJC), mga Katoliko, Muslim, jovenes estudyante, obrero retiradong militar asin pulis.
Pigtawan-duon pa kan grupo na an aksyon magigin “matuninong, marangal, asin nagkakasararo.”
Mientrastanto, may iba pang grupo na nagpaplano man kan protesta dapit sa posibleng pagbubutas ni PBBM asin pagbubusol nin constitutional succession, kaibahan an Black Friday movement na ma-preparar kan prelude rally sa Nobyembre 14.
