Binawian na nin buhay ngunyan na aldaw si dating Senate President Juan Ponce Enrile sa edad na 101.
Saro ini sa pinakahaloy na nagserbi sa gobierno kan Pilipinas na lampas 7 dekada kan karera sa serbisyo publiko.
Si Enrile bistado komo sarong prominenteng legal asin political figure na nagin parte kan historyang yugto kan nasyon, gikan sa Martial Law kan panahon ni dating Pang. Ferdinand E. Marcos Sr., hasta sa EDSA People Power Revolution kan 1986 kun saen ini nagtiwalag sa rehimeng Marcos.
Nagserbi ini komo sarong sekretaryo kan katarungan, sekretaryo kan tanggulang pambansa, asin pirang ulit na nagin senador. Kan 2008, nahalal komo Senate President asin nasa pwesto hasta 2013.
Sa ibong kan saiyang edad, namantinir ining aktibo sa politika asin huring nanilbihan komo Chief Presidential Legal Counsel sa administrasyong Bongbong Marcos.
Sa saiyang pagtalikod sa kinaban, nagwawakas an sarong makulay asin kontrobersyal na kabanata sa historya kan pulitika kan Pilipinas.
Piglalaoman an pagluluwas kan opisyal na pahayag gikan sa saiya pamilya asin sa gobierno sa mga susunod na oras.
Political Career:
1954 – Nagpuon komo Undersecretary of Finance sa irarom kan administrasyong Magsaysay.
1966–1970 – Nagin Secretary of Justice sa irarom ni Presidente Ferdinand Marcos.
1970–1986 – Itinalaga komo Secretary of National Defense; naginn primerong tagapagpautob nin Martial Law.
1986 – Nagtiwalag ki Marcos asin nagin saro sa mga primerong personalidad sa EDSA People Power Revolution.
1987 – Na-elehir komo senador sa irarom kan bagong konstitusyon kan 1987.
1995–2001 – Liwat na-elehir komo senador.
2004–2016 – Nagserbi liwat sa Senado; nagin Senate President puon kan taong-2008 hasta 2013.
2013 – Nagbutas komo Senate President sa tahaw kan kontrobersiya sa pork barrel scam.
2022 – Itinalaga komo Chief Presidential Legal Counsel ni Presidente Ferdinand “Bongbong” Marcos Jr.
