Mayo pang konkretong ebidensiya na nagtutukdo ki dating House speaker Martin Romualdez na imbwelto sa flood control anomaly.
Ini an tinawan-duon ni Presidente Ferdinand Marcos Jr., kan maghampang sa media kasuodma.
Sinaysay kan Presidente na nasa 37 lehislador an nasa listahan na susunadan nin kasong kriminal asin administratibo huli sa pagkaka-imbwelto sa maanomalyang flood control projects.
Sa 37 na mga pangaran kan mga lawmakers, dae kaibahan digde si dating House Speaker Martin Romualdez.
Siring man, sinaysay kan Presidente na kun igwang mga nagluwas sa imbestigasyon maninimbag man an saiyang pinsang buo.
Sinaysay kan Presidente, nagluwas an pangaran ni Romualdez sa pagdangog kan Senado.
Paglilinaw man kan Presidente na dae man sinda basta na sana nagsusunad nin kaso.
An sainda soboot na lakdang, an ma-buil up kan mga kaso tanganing mapanimbag an mga imbwelto.
Pig-enkaminar kan Presidente an taumbayan na tawan sinda nin konkretong ebidensiya tanganing magamit ini tanganing kasuhan an sisay man.
Pagtaong-duon kan Presidente na mayong immune digde asin mayong exemped sa imbestigasyon.
