Nagsayuma an Independent Commission for Infrastructure (ICI) na patulan an rebelasyon ni dating Cong. Zaldy Co kontra ki Presidente Bongbong Marcos asin dating Speaker Martin Romualdez.
Kaibahan digde an pigbuyagyag ni Co na si PBBM soboot an nag-sugo kan ₱100 billion insertions sa national budget.
Sinaysay ni ICI Executive Director Atty. Brian Keith Hosaka na pag-aadalan paramientras kan Komisyon an video na pigluwas ni Co antes magluwas nin statement an ICI.
Dae man pigsimbag ni Hosaka an kahaputan dapit sa kun maapektaran ba kan rebelasyon ni Co an imbestigasyon kan ICI kontra sa mga katiwalian sa gobierno.
Advertisement
Nagsayuma man si Hosaka na simbagon an kahaputan kun maabot ki Presidente Marcos an imbestigasyon kan Komisyon.
Advertisement
