Mahigot na minomonitor ni Presidente Ferdinand Marcos Jr. an ginigibong rally ngunyan na aldaw.
Segun ki Presidential Communications Office (PCO) Secretary Dave Gomez, yaon sa laog kan Malacañang si Presidente Marcos asin mino-monitor an rally kan Iglesia ni Cristo (INC).
Dai man nagtao nin detalyes pa si Secretary Gomez.
Sa presente, naka-alerto an security sector huli sa report na posibleng may maglalaog o magsabotahi sa matrangkilo na rally kan INC.
Mahigot man an seguridad na ipinapautob kan Presidential Security Command (PSC) sa luog asin luwas kan Malacañang.
Padagos man an apelar kan gobierno para sa kalmado asin katoninungan huli ta igwa nin mga nakaandam nang aksyon tangani mapanimbag an mga nakapwesto sa likod kan maanomalyang flood control projects.
