Suportado kan Independent Commission for Infrastructure (ICI) an pigsagibong kaliwa’t kanang hiro-protesta kan mga religious group kaibahan na an Iglesia ni Cristo, KOJC asin JIL sa laog nin duwang aldaw.
Sigun ki ICI Executive Director Brian Keith Hosaka, an pighahagad kan mga tawong nag-atendir sa protest-rally hustisya, transparency asin accountability kontra sa korapsyon.
Dugang pa ni Hosaka, tugma an kurahaw kan taumbayan sa mandato kan komisyon na habulon an gabos na imbwelto sa flood control anomaly.
Nanindugan man si Hosaka na ginigibo kan komisyon an gabos tanganing mapanimbag an mga nasa likod kan korapsyon sa mga proyekto ng gobierno.
Mientrastanto, isinasapinal na kan ICI an guidelines para sa livestreaming kan saindang mga pagdangog para sa kahagadan kan publiko na “transparency” sa kada hearing.
