Kumpiyansa si bagong talagang Executive Secretary Ralph Recto na tiwala pa man an gabinete ki Presidente Bongbong Marcos sa ibong kan mga isyung kinakahampang kaini asin kan First Family.
An pahayag ni Recto an sa tahaw man kan akusasyon ni Senator Imee Marcos sa tugang kaining si Presidente Bongbong Marcos na nagagamit nin iligal na droga, mantang may naenot ng alegasyon si dating Cong. Zaldy Co na si Marcos an nagsugo sa P100 billion budget insertions sa 2025.
Susog sa report sa tahaw kan budget deliberations sa Senado, sinaysay ni Recto na “political noise” sana an mga isyung piggagapo sa Presidente.
Dae soboot pigpapansin kan gabineteng Marcos an mga ribok na ini huli ta nakasentro an mga miyembro sa trabaho ninda tanganing mas mapamarhay pa an pagmanehar.
Dugang pa ni Recto, nagtitinir na “stable” o pusog an administrasyon na masimbag sa katiwalian, pagpapamarhay sa pagmanehar asin pagpaparekas sa dalagan kan gobierno.
Ngunyan man pigkundusir an oath taking ni Recto komo Executive Secretary kan Marcos administration.
