Dae kaipuhan magbutas sa puwesto ni DepEd Secretary Sonny Angara kun kumbinsido ining mayo ining kinaaraman sa korapsyon sa flood control projects.
Sigun ki Palace Press Officer Claire Castro, mayong pigsumiter na resignation si Angara sa Palasyo maski nasambitan an pangaran kaini sa isyu kan flood control.
Pigtawan duon ni Castro, parehas sana an pagtrato kan Palasyo sa sitwasyon ni Angara asin sa nagin pagbubutas ninda dating Executive Secretary Lucas Bersamin asin Budget Secretary Amenah Pangandaman.
An kaibahan sana, boluntaryong nag-resign sinda Bersamin asin Pangandaman tanganing tawan-dalan an imbestigasyon sa saindang ahensya, mantang si Angara man an dae nagbutas.
Piglinaw man kan Malacañang na dae nawara an tiwala kan Presidente ki Bersamin asin Pangandaman maski nagbutas an mga ini.
Mawot sana soboot kan administrasyon na magin patas an imbestigasyon asin mailuwas an bilog na katotoohan sa flood control scandal, nin mayong alinlangan maski halangkaw an posisyon kan mga pig-iimbestigaran.
