Maduon an pinahimutikan ni dating ES Lucas Bersamin an anuman na kaaraman o partisipasyon sa kontrobersiyang igwang kinaaraman sa soboot P52 bilyong budget insertions.
Hurot kaini na mayo ining aram huli ta an Office of the Executive Secretary, an dae nakikiaram sa insertions o budget kan ibang ahensiya huli ta bako ini an saindang trabaho.Nagsayuma man na simbagon ni Bersamin an hapot kun ginamit sana ini komo “scapegoat”.
Pig-angat ni dating Executive Secretary Bersamin an mga nagkaladkad kan saiyang pangaran sa isyu na magsunad nin kaso kun igwang kapot na matibay na ebidensiya kontra sa saiya.
Pagsierto ni Bersamin na preparado ining maghampang asin simbagon an mga akusasyon asin linigon an saiyang pangaran kun igwang nagdemanda kontra sa saiya.
Mayo man balak si Bersamin na maghampang sa imbestigasyon huli man ta habo kaining igwa pang ibang tawo na maraot an buhay.
Sigun ki Bersamin, mayo na ining kontrol sa mga batikos sa saiya sa social media, kaya mas marhay na ihampang asin patunayan sa korte an mga akusasyon, kun igwang maipe-presentang matibay na ebidensiya.
