Pig-iimbestigaran na sa ngunyan kan Philippine National Police Highway Patrol Group (PNP-HPG) an koneksiyon asin presenteng naka-impound sa Bulacan na mga pigdidispatyan mga lunadan kan mag-agom na Curlee asin Sarah Discaya.
Sa sarong pulong balitaan, inihayag ni HPG Spokesperson PLt. Dame Malang na an mga lunadan an pawangvmga unregistered asin naggagamit nin mga improvised plate numbers basado na man sa naging pakikipag-koordinar ninda sa Land Transportation Office (LTO).
Basado na man sa mga inisyal na impormasyon 12 pa sana an presenteng nag-aagi sa beripikasyon kan LTO asin HPG na pagsasadiri kan mga Discaya gikan an sa numero na haros 40 luxury cars kan pamilya.
Apwera man sa posibleng koneksiyon kan mga lunadan kan mga Discaya, pigihihilig na man kan PNP kun nag-agi ba sa tamang proseso an mga lunadan asin kun nag-agi ba sa pagbabayad nin tamang buwis an mga may kansadiri kaini antes pa ma-acquire an mga mamahalong lunadan.
Kasunod kaini, pigsierto man ni Malang na padagos sana an mga pigsasagibong paglilibot kan saindang kabuhan sa manlaen-laen na parte kan nasyon kun saen natapos na an nagkapirang parte kan Calabarzon asin magin an Central Luzon tanganing masierto na matutukoy kun sisay na personalidad an nasa likod kan pagpapabakal asin iligal na transaksiyon na ini sa nasyon.
Mientrastanto, mahahampang man an pitong suspek na pawang mga negosyante sa mga reklamong reckless driving asin iba pa huli sa pagmamaneho kan mga unregistered vehicles.
