Giit si Prosecution Legal Spokesperson Atty. Benjamin “Jay” Tolosa Jr. na an simpleng pamumuhay ni Vice President Sara Duterte dai dapat magin basehan sa paghusga sa mga alegasyon nin dai maipaliwanag na yaman kontra saiya.
Imbes, idinugang ni Tolosa na kaipuhan na surion an mga rekord sa bangko, credit card, asin iba pang opisyal na dokumento.
Binanggit niya an nagkapirang transaksyon sa credit card na ipinahiling durante kan impeachment trial, kaiba an labi P200,000 na bayad sa sarong restawran sa Japan asin mga pagbakal nin sapatos asin pag-shopping sa sarong tindahan na nagkakahalaga man nin labi P200,000.
Giit ni Tolosa, mahalaga na matukoy kun baga an mga gastuson asin transaksyon nagtutugma sa mga yaman asin kita na idineklara ni VP Duterte.
Dugang pa niya, igwa nin mga nairehistrong transaksyon nin kwarta na labi P40 milyon sa laog nin haros sarong oras, siring man an humigit-kumulang P180 milyong transaksyon sa sarong aldaw.
Naenot nang sinabi kan financial expert na si Atty. Alexander Cabrera na mahalaga an pagsuri sa mga transaksyon tanganing matukoy kun baga an mga ini nagtutugma sa mga deklarasyon nin yaman kan mag-agom na Duterte asin Manases “Mans” Carpio.
