Nag-abiso an Department of Information and Communications Technology (DICT) sa publiko na mas laganap an mga scam ngunyan na holiday season. Huli digde, piglunsar kan ahensya kairiba an iba pang grupo an Oplan Paskong Sigurado.
An bagong kampanya parte kan cybersecurity asin consumer-protection initiative kan DICT, partikular ngunyan na Kapaskuhan.
Sigun sa DICT, mas dakol scam sa panahong ini huli sa paglangkaw kan paggamit kan e-commerce, e-wallets, remittances, asin mga cash bonus na narereseber kan dakol na Pilipino.
Sinabi ni DICT Secretary Henry Aguda na mawot nindang mas papusugon an kamalayan kontra sa cybercrimes sa paagi kan mas pinaigting na public information campaign asin pakikipag-tabangan sa manlaen-laen na law enforcement agencies.
Pig-enkaminar man ni Aguda an publiko na tolos i-report sa Hotline 1326 kun sinda nabiktima kan scam o may naaraman dapit digde.
Parte kan inisyatiba an real-time detection asin mitigation kqn cyber threats asin an pagpapautob kan cyberdome strategy o an whole-of-government cyber defense platform.
Dugang pa kan DICT secretary, ibubusol ninda an pagtatapos kan paggamit kqn 2G at 3G frequencies huli ta ginagamit ini kan mga scammers, partikular kan mga naggamit kan IMSI catchers.
Sinabi man na na antes matapos an taon, piglalaoman nindang gabos kan telcos dagos ng mapaaraman sa 2G asin 3G asin matuon na sana sa 4G asin 5G na mas salbado.
