Aram baya nindo mga ka-bombo, sarong baboon an nakadulag sa sarong zoo sa Cuba. Ini an nagresulta sa search and rescue operation na kinababalihan kan special forces personnel, Ministry kan Interior agents and veterinarians.
Sigun ki Tahimí Meneses Venegas, director kan Sancti Spíritus Zoo, an lalaking hamadryas baboon na igwang pangaran na Victor an matraympong nabuksan an naka-lock na kulungan kaini.
An nasambitan ng pangyayari, an bakong enot na pagkakataon huli ta pigpurbaran naman soboot kan nasambitan ng hayop na bukasan an saiyang kulungan.
Katakod kan insidente, tolos na pig-ibakwar an yaon sa zoo asin an pagtaraid na edificio siringman pinatanidan an mga haraning residente na magtinir sa laog kan saindang harong mantang pighahanap an nakadulag na baboon.An baboon nakua na nakabitin sa lanob kan sarong banyo sa kataid na edificio kan zoo.
Mientrastanto, ipinaapod man si Adalberto Piloto Cepero, sarong veterinary technician na iyong nag-aataman ki Víctor sa laog nin tolong taon tanganing magkalma an hayop.
Sa ngunyan, salbado man na naibwelta sa saiyang kulungan si Victor asin naggibo na nin lakdang an pamayuhan kan zoo tanganing dae na liwat mangyari an siring na insidente.
