NAGA CITY- Naglangkaw nin kadikit an presyuhan kan tilapia asin iba pang sira na makukua sa Lake Bato makalihis an panlalamasa ni Bagyong Uwan.
Sa entrevista kan Bombo Radyo Naga ki Josephine Intia, Executive Assistant II kan Bato, Camariners Sur, sinaysay kaini na mayo man kakulangan sa suplay kan tilapia sa saindang banwaan alagad nahilingan nin kadikit na paglangkaw an presyo kaini.
Paliwanag kan opisyal, kadalasan soboot ining nagyayari orog na makalihis an pag-agi kan bagyo.
Alagad pig-asegurar man ni Intia na yaon an regular na pagmonitor kan Local Price Monitoring Committee sa mga merkado tanganing dae maabuso asin para naman sa kapakanan kan mga parabakal.
Katakod kaini, nagpakol na sa P190 kada kilo an presyuhan kan tilapia na dating gikan sa P180 kada kilo.
An presyuhan na ini an mababa man sana sa mga maabot na aldaw.
Mientrastanto, padagos man soboot an mahigot na monitoring kan bantay kalikasa tanganing dae pag-apunan nin basura an mga salog na pwedeng makadanyar sa mga sira.
Sa ngunyan, pigsierto na san ni Intia na yaon an saindang pagpapagirunmdom sa publiko na pirmeng magsunod sa piglalatag na mga panundunan tanganing maproteheran an nagseserbeng kabuhayan kan saindang mga nasasakupan.
