Nakatalaan maglangkaw pa man giraray an presyo kan mga cooking gas maski pa nagdesisyon an Malacañang na isuspinde an excise tax sa liquefied petroleum gas (LPG) asin kerosene.
Segun ki Arnel Ty kan LPG Marketeers Association, na maski pa hinale na an excise tax sa Liquefied petroleum gas (LPG) igwa pa man giraray nin paglangkaw na P4 kada kilo, kun an enot na plano iyo an magin P10 kada kilo an ilalangkaw.
Andam daa an saindang grupo na utay-utayon an paglangkaw kan presyo kan saindang LPG.
Mababaretaan na irinekomenda kan Department of Finance (DOF) an temporaryong suspensyon kan excise tax pero sa LPG asin kerosene asin bakong kaiba an diesel asin gasolina.
Advertisement
Advertisement
