Pigtawan-duon ni Presidente Ferdinand Marcos Jr., an matibay na promesa kan Pilpinas na makipagtabangan sa mga internasyonal na organisasyon tanganing labanan an plastic pollution gamit an makabagong teknolohiya.
Sa ginanap na International High-Level Forum na pinangenotan kan International Atomic Energy Agency (IAEA) para sa NUTEC Plastics sa Pasay City, sinaysayvkan Presidente na an plastic pollution an sarong pangkinabang problema na nakakaapektar sa kapalibotan, salud, suplay kan pagkakan, asin pamumuhay kan komunidad.
Ipinag-orgulyo ni Marcos Jr., na suportado kan Pilipinas an NUTEC Plastics Initiative, na soboot nagpapahiling kun pano pwedeng gamiton an advanced nuclear technology tanganing gibuhong kapaki-pakinabang an plastic waste.
Naunambitan kaini an PREx Project kan DOST-PNRI asin Envirotech, na nagko-convert kan low-value plastic waste sa matibay asin commercial materials.
Itinampok man kan Presidente an PREx Prototype House, na soboot simbolo kan pigkakahampang na circular economy, asin an marine microplastics monitoring laboratory kan UP-MSI na nagtatabangbsa mas eksaktong pagsusuri kan polusyon sa kadagatan.
Pig-anunsyar man kaini an paglulunsar kan NUTEC Plastics Investment and Partnership Brochure tanganing enkaminaron an mas kadakol na puhunan sa nuclear science para sa environmental protection.
Pinagtibay man kan Presidente an dedikasyon kan nasyon sa scientific cooperation, kaibahan an pagpasar nin Philippine Nuclear Law.
Plano man ni Presidente Marcos na palawakon an nuclear science initiatives sa ASEAN pag-abot sa 2026 chairship kan Pilipinas.
Sinaysay pa kan Presidente na an tubay na progreso an nakukua sa pagtatarabangan kan mga nasyon.
