Mas nagtatag soboot an pagtubod ni Senador Francis “Chiz” Escudero sa Commission on Elections (Comelec) makalihis an desisyon kan poll body na nagsasabing mayong pagbalgar sa Omnibus Election Code an pagresebir kaini nin P30-milyong campaign donation gikan ki Lawrence Lubiano, presidente kan Centerways Construction and Development Inc.
Sa saiyang pahayag, sinaysay ni Escudero na huli sa ruling kan Comelec, orog pang pinagtibay an saiyang promesang magserbi nin igwang integridad asin paninimbagan.
Sinariwa man kan senador na puon kan enot ining magdalagan kan taong-1998, pighingowa na kaining magsunod sa gabos kan ley sa eleksiyon huli ta ini an pundasyon kan tiwala kan publiko.
Dugang pa kaini, pinagtibay kan desisyon kan Comelec an haloy na soboot kaining pinagtutubodan asin isinasabuhay na importante an trasparency, katapatan, asin pagsunod sa mga patakaran, asin nanaig an katotoohan kun patas an proseso.
Pigrekomenda kan Political Finance and Affairs Department (PFAD) kan Comelec an pagbasura sa imbestigasyon huli sa kakulangan nin ebidensiyang magpapatotoo kan anumang pagbalgar.
Nagpuon an kaso makalihis akuon ni Escudero na nagresebir ini nin P30-milyong campaign donation gikan ki Lubiano, na presidente kan Centerways Construction—saro sa top 15 government contractors na tinukoy ni Presidente Ferdinand Marcos Jr. na nakakua nin pinakadakol na kontrata para sa flood control projects sa bilog na nasyon.
Sa ibong kaini, pighurot kan Comelec-PFAD na mayong nahiling na indikasyon na nagbalgar an senador sa ley dapit sa campaign contributions.
