Nadugangan pa an numero kan mga binawian nin buhay mantang labi 270 indibidwal an nagtitinir na nawawara makalihis magbungkaras an dakulang kasulo sa sarong high-rise residential building sa HongKong kan Miyerkules, Nobyembre 26.
Sigun sa local authorities, 51 an binawian nin buhay sa pinangyarihan kan kasulo mantang 4 man an binawian ng buhay sa ospital kaibahan an sarong bumbero.
Susog sa mga opisyal, natuntom kan kalayo an pito gikan sa walong tower blocks sa Tai Po district. Alagad, pigdeklarar nang under control an apat na tower, mantang puspusan an pag-apula sa iba pang mga edificio na padagos na nasusulo.
Naenot ng pigsangat sa level five an sulo, an pigkokonsederar na “most serious level” sa HongKong.
Naarestar na man an tolong construction company executives huli sa “suspicion of manslaughter” asin gross negligence na may kinaaraman sa nahiling na flammable materials, kaibahan an mesh asin plastic sheets sa mga bintana kan mga edificio, na pwedeng nagin kawsa tanganing magkuriyat nin marekas an kalayo.
Padagos an pigsasagibong imbestigasyon sa ginikanan kan sulo na nagbungkaras sa sarong housing complex na pigsairarom sa renovations.
Sa ngunyan, pig-ibwakwar na an mga residente sa temporary shelters mantang nagtagama naman nin emergency housing units para sa iba na apektado kan insidente.
