Pig-aprubahan na kan mga otoridad sa Brazil kan Miyerkules, Nobyembre 26, an kaenot-enoteng single-dose dengue vaccine na igwang 91.6 porsiyentong bisa kontra sa severe dengue.
Pinangaranan ining “Butantan-DV” na Kun saen an nasambitan ng bakuna an gikan sa pangaran kan developer kaini na Butantan Institute. Nabilog ini makalihis an walong taong clinical trial sa Brazil. Piglalaoman na matao nin dalan an bakuna para mas marekas asin mas simpleng vaccination campaigns.
Sigun ki Esper Kallas, direktor kan Butantan Institute, an single-dose dengue vaccine sarong historikong trayumpo para sa agham asin salud sa Brazil. Dugang pa kaini, an helang na nagpapasakit sa mga tawo sa laog kan pirang dekada pwede nang labanan gamit an sarong makapangyarihang sandata.
Inaprubahan man kan Health Regulatory Agency kan Brazil o ANVISA an paggamit kan Butantan-DV para sa mga tawong may edad 12 hastw 59.
Mientrastanto, sa presente, an TAK-003 vaccine an tanging available na bakuna kontra sa dengue sa bilog na nasyon. Ini an nangangaipuhan nin duwang doses na may tolong bulan na pag-ultanan, sigun sa World Health Organization (WHO).
