Mayo pang limang minuto nakalusot na sa plenaryo kan Senado an ₱889 million na 2026 budget kan Office of the Vice President (OVP).
Personal na nagpasiring asin naghampang sa plenaryo kan Senado si Vice President Sara Duterte.
Mas halangkaw nin P156 million an tinao na budget para sa OVP sa Senado kumparar sa ₱733 million na house version.
Antes maaprubahan an OVP budget nag-manifest si Senator Robin Padilla kan pasasalamat sa Senado asin sa mga kaparehad na lehislador huli ta dae binawasan an budget kan bise presidente sa masunod na taon alagad pigdugangan pa.
Nagpasalamat man si Padilla na bakong gikan sa halangkaw na Kapulungan an panggigipit ki VP Sara.
Mientrastanto, mayo pang sarong minuto na presscon ni VP Sara pinasalamatan kaini an Senado sa marekas na pag-apruba kan OVP 2026 budget.
Binati man kaini nin Maogmang Pasko asin Bagong Taon an Senate media asin nag-wish kan “good health” para sa gabos sa 2026.
Nagsayuma man si VP Duterte na mag-react o simbagon an mga isyu siring sa mga pigluwas na video ni dating Cong. Zaldy Co asin an pahayag kaini na preparadong magin sunod na Presidente.
