Duda si Bicol Saro Partylist Rep. Terry Ridon kun sa anong planeta kasya an P500 para sa Noche Buena kan pamilyang Pilipino.
Sigun ki Ridon, bako ini an enot na bes na pigtawan duon kan Department of Trade and Industry (DTI) na sapat an ₱500 para sa Noche Buena kan sarong ordinaryong pamilya, an kaibahan sana soboot nguyan mismong si DTI Secretary Cristina Roque na an nagsasabing ayos asin sapat na ini.
Pigtawan duon man ni Ridon, sa presyo kan mga barakalon ngunyan dae kasya an P500 dawa sa simpleng spaghetti asin keso, orog na kun bako sanang saro an makakan sa pamilya.
Pigpunto pa ni Ridon, mayo man nagsasabing kaipuhan pagkasyahon sa P500 an budget para sa Noche Buena.
Alagad dugang pa kaini, mas importante sa mga Pilipino na siertuhon kan gobierno na nagtitinir sa hababa asin abot-kaya an presyo kan mga sangkap asin pangangaipuhan para sa pagselebrar kan kapaskuhan.
