Nasa apat o limang kongresista soboot an nag-apod ki Senate Committee on Finance chairman Senador Win Gatchalian tanganing iklaro an report na binawasan soboot kan Senado an budget kan saindang distrito.
Susog sa report, pigtawan duon ni Gatchalian na mayong proyekto gikan sa General Appropriations Bill (GAB) an tinanggal kan Senado, apwera sa 28 infrastructure projects na may “red flags,” kairiba an mga duplicate asin pauru-otro na entries, na nagkakantidad kan poco mas o menos P1.5 bilyon.
Sigun ki Gatchalian, pinagtibay kan Senate panel an gabos kan proyektong pigrekomenda kan Kamara.
Siring man, nilinaw ni Gatchalian na naplantsa na an isyu asin posibleng napasala sana an mga lehisladornin basa sa committee report.
Pig-enkaminar na man kan senador an mga kongresista na makipag-tabangan sa House Appropriations Committee para maipaliwanag nin maray.
Enot nang pinabulaanan ni Senate President Vicente “Tito” Sotto III an mga alegasyong tinapyasan ninda ni Senate President Pro Tempore Ping Lacson sa Senado an pondo kan mga congressional district — kun saen inapod kaini an mga ini na “mayong basehan” asin “maliwanag na black propaganda.”
Sigun ki Sotto, may pirang miyembro kan House of Representatives — orog na an mga district representative — an nag-apod sa saiyang political officer asin nagpahayag nin pangamba na nababawasan soboot an pondo para sa saindang mga distrito enkaso mag-abot na sa Senado an budget deliberations.
Piglinaw man ni Senate Majority Leader Juan Miguel Zubiri na an mga proyektong pigtutukdo an mga infrastructure projects kan DPWH sa manlaen-laen na distrito na gikan sa NEP.
