Nagpadara an Police Regional Office sa Central Luzon (PRO3) nin nasa 2,100 uniformed personnel sa National Capital Region Police Office (NCRPO) tangani sumuporta sa pagmamantinir kan seguridad sa Trillion March 2.0 anti-corruption protest activities ngunyan na Dominggo, Nobyembre 30.
An send-off ceremony an pigkundusir sa Camp Captain Julian Olivas sa City of San Fernando, Pampanga, kuns aen pigkundusir an “blessing of the troops” na pinangenutan ni Catholic priest Lieutenant Colonel Jonathan Chy, regional pastoral officer.
Ipinangadyi ni Chy an nasa 2,100 pulis para sa kasalbaduhan, kusog na makagibo kan saindang serbisyo sa Metro Manila.
An contingent an nagpuon sa Regional Mobile Force, maneuver units asin provincial offices.
Sa pahayag ni Brigadier General Ponce Rogelio Peñones Jr., PRO3 regional director, sinaysay kaini na an augmentation personnel an pinili asin pigsairarom sa meeting para sa maximum tolerance, disiplina asin propesyunalismo sa bilog na durasyon kan mass action.
Pinagirumdom man sa mga pulis na imantinir an operational protocols, respeto sa human rights, asin pagmantinir na nakamasid sa gabos nin panahon.
Siniguro man kan police regional director na kaya pa man kan PRO 3 na imantinir an katrangkiluhan asin kasalbaduhan sa Central Luzon sa ibong kan deployment kan nasa 2,100 pulis sa Metro Manila.
