Kahagadan kan Independent Commision for Infrastructure (ICI) an pag-iintindi kan publiko makalihis an pigkasang hiro protesta kasuudma.
Sigun sa ICI, nadadangog ninda an sintemyento kan taumbayan na mawot na tolos na igwang mapanimbag asin makulong sa orog na marekas na panahon.
Nag-monitor kaya soboot an komisyon sa pigkundusir na programa “Baha sa Luneta” sa Maynila asin Trillion Peso Rally sa Quezon City dapit naman sa kahagadan na transparency asin bakong executive session.
Pangapudan kaya kan manlaen-laen na grupo na nagsagibo kan protest-rally na magkaigwa nin ngipon an ICI asin magtindog komo “independent” asin dae magin sunod-sunudan sana sa administrasyon.
Marurumduman pigsaysay kan ICI na pupuonan na ninda an livestream ngunyan na semana kun igwang magtugot na resource person apwera na sana kun maghagad nin executive session.
Igwa kaya soboot inaprubahan na guidelines an livestreaming na pigbase sa konstitusyon asin sa ley na pinasa asin magin sa ruling kan korte suprema.
