Nagdeklarar na an gobyeno kan Sri Lanka nin state of emegency makalihis an mapaminsalang pagbaha asin mudslide dara kan Cyclong Ditwah na naggadan na nin lampas 330 katawo.
Ini na an pigkonsiderar na saro sa pinaka-mapaminsalang bagyo na nanlamasa sa mga nakalihis na taon sa nasambitan ng nasyon.
Labi 200 katawo man an padagos na nawawara mantang 200,000 kaharongan an nadanyara , na nagpa-displace sa 108,000 indibidwal pasiring sa state-run temporary shelters. Sigun sa mga opisyal, nasa one-third kan nasyon an mayong suplay kan kuryente o tubig.
Inihayag man ni Sri Lankan President Anura Kumara Dissanayake na ini na an pinaka-challenging na kalamidad na nagtama sa historya kan saindang nasyon asin matindi soboot an danyos na winalat kaini kun saen nakakabigla soboot an pigkakarkulong kantidad para sabl liwat na konstruksiyon kan mga naraot.
Nagsagibo na man nin mga pag-ebakwar sa nagkapirang mga lugar kasabay kan marekas na pag-apaw kan tubig gikan sa Kelani River.
Basado sa sarong residente gikan sa central Sri Lanka, nasa 15 kaharongan sa saindang lugar an nabaon sa irarom kan darakulang gapo asin dalnak asin mayo sa mga residente an nakasalbar.
Pinakadakulang numero kan mga binawian nin buhay an naireport sa Kandy asin Badulla, kun saen kadakol na mga lugar an dae pa naabot.
Katakod kaini, nag-apelar na an Sri Lankan government para sa international aid asin pig-enkaminar an mga Sri Lankas na nasa abroad na mag-donate nin kwarta tanganing suportaran an mga apektadong komunidad.
