Pig-anunsiyar ni Executive Secretary Ralph Recto na matagama an Marcos administration nin record-breaking na PHP113 bilyong subsidiya para sa PhilHealth sa 2026, an pinakadakula na pondo para sa Universal Health Care (UHC) sa historya kan nasyon.
An kantidad pigkakarkulong PHP53.13 bilyong orihinal na prosopwesto kaibahan an naibalik na PHP60 bilyon, susog sa direktiba ni Presidente Ferdinand R. Marcos Jr. kan Setyembre na ibalik an pondo sa PhilHealth.
Sigun ki Recto, malinaw na naihatod kan 2026 budget an promisa kan Presidente.
Sinaysay man ni Recto na sa P113 bilyon na pondo bako sana kaining ipapautob an promisa kundi lalampasan pa kaini.
Pigsierto man kan Presidente kan Setyembre an pagbabalik kan P60 billion na pondo kan Philhealth tanganing pahewason pa an serbisyo kan ahensiya.
Sigun ki Recto, direktang makikinabang an indigent families, senior citizens, PWDs, asin iba pang vulnerable groups sa mas pinahewas na benepisyo kan PhilHealth na dae madugang nin pasanon sa gastos.
Pisgierto man kan Department of Budget and Management an marekas asin transparent na pagluluwas kan pondo tanganing tolos maipautob an mga benepisyong mapababa kan out-of-pocket expenses.
Dakulang parte kan nasambitan ng alokasyon an gikan sa tax revenues gikan sa arak asin sigarilyo, mga pondong pigbabalik sa serbisyong pang salud.
