Nagrehistro nin historya an Philippine Men’s National Football Team sa SEA Games makalihis daugon an Indonesia sa score na 1-0.
An nasambitan ng kapangganahan an nagdara sa Pilipinas tanganing makalaog sa semifinals.
Ini an enot na pagkakataon sa laog kan 34 na taon na makalaog an men’s football team sa semifinals na kawat na pigkundusir sa Chiang Mae, Thailand.
An natatanging goal nairehistro ni Otu Banatao sa 45+1 antes an halftime.
Paglaog kan second half nagin matindi an depensa kan Pilipinas asin dae kaini pigtugutan na makapagrehistro pa kan goal an defending champion.
Igwang duwang gana asin mayo pang daog an men’s football team para sa group stage.
Kan 1991 na SEA Games na pigkundusir sa nasyon bigo an Pilipinas sa Singapore 2-0 para sa bronze medal match.
Enot ng dinaog kan Pilipinas an Myanmar 2-0 kun saen pighahalat na sana kan Pilipinas an top team sa Group A o B para sa semifinals matchup na ikukundusir sa Disyembre 15.
