Pinangenutan ni Presidente Ferdinand R. Marcos Jr. an enot na Battalion Commander’s Symposium para sa External Security Operations kaibahan an 161 commanders gikan sa Intelligence Service of the Armed Forces of the Philippines (ISAFP) asin Philippine Army.
Tampok sa pag-urulay an pagpapapusog kan koordinasyon, proteksyon sa teritoryo, intelligence operations, asin kapreparaduhan kan mga ground unit kontra sa mga huma gikan sa luwas kan nasyon.
Pigtawan duon kan Presidente an importanteng papel kan mga battalion commander asin pig-enkaminar an mas harani na pakikipag-ugnayan sa mga komunidad.
Pigsierto man kaini an padagos na modernisasyon kan AFP tanganing mas mapahigot an surveillance, modernong kagamitan, asin marekas na pagresponde sa anumang sitwasyon.
Target man kan administrasyon na gibuhon regular an symposium tanganing orog pang mapapusog an polisiya asin estratehiya para sa external security.
