Laog na sa semifinals an Filipinas womens football team sa nagpapadagos na 33rd Southeast Asian Games.
Ini an makalihis na daugon ninda an Malaysia 6-0 sa kawat na pigkundusir sa IPE Chonburi Stadium sa Thailand.
Enot na nakapagrehistro nin goal si Alexa Pino na pigsunad ninda Jessika Cowart, Ariana Markey asin Anicka Castaneda.
Nagkaigwa nin tabang an kapangganahan kan tulong defending champion na Vietnam kontra sa Myanmar 2-0 huli ta kaipuhan kan Filipinas na makakua nin tolong goals tanganing makausad.
Advertisement
Nasa panduwang puwesto sa Group B an Filipinas kun saen makakahampang ninda sa semifinal round an Thailand na nangengenot sa Group A.
Isasagibo an semifinals round sa aldaw nin Domingo.
Advertisement
