Naglangkaw an mga remittance na ipinapadara kan mga overseas Filipino kan bulan nin Oktubre bagaman mas maluya ini, kasunod kan five-month high na nairehistro kan nakalihis na Setyembre, basado sa datos kan Bangko Sentral ng Pilipinas kan Lunes, Disyembre 15.
An cash remittances o money transfers na ipinadara sa paagi kan mga bangko o formal channels sa nasambitan ng bulan an nasa $3.171 billion, o paglangkaw na 3.0% gikan sa $3.079 bilyon sa kaparehong bulan kan nakalihis na taon asin bahagyang mas halangkaw man sa $3.121 billion kan Setyembre.
Sa ibong kaini, nagluya an paglago gikan sa 3.7 percent na narehistro kan Setyembre na pinakahalangkaw sa limang bulan magpuon kan Abril 2025 kun sean an inflows an naglago nin 4.0%.
Nairehistro ini sa year-to-date cash remittances sa $29.202 billion, o 3.2% na paglangkaw gikan sa $28.304 billion sa comparable period kan taong 2024.
Nagtitinir na pinakahalangkaw na source kan inflows an Estados Unidos sa 40.3%, sinundan kan Singapore sa 7.2%, Saudi Arabia sa 6.4%, Japan sa 4.9%, asin United Kingdom sa 4.7%.
Sinundan man ini kan United Arab Emirates sa 4.5%, Canada sa 3.5%, Qatar sa 2.9%, Taiwan sa 2.8%, asin South Korea sa 2.5%.
