NAGA CITY- Nagpakol sa nasa 80 na repatriated overseas Filipino workers an natawan nin asistensiya kan Department of Migrant Workers Bicol ngunyan na taon.
Sigun ki Merry Christ Joely Eguia, an DMW-5 information asin liaison officer, kabilugang 79 na OFWs gikan sa rehiyon an pigtawan nin asistensiya kaibahan an 28 iba pa na nag-abot sa Bikol.
Dugang pa kan opisyal, nakareserber nin airport assistance an nasambitan ng OFW kaibahan na an financial na tabang sa paagi kan Agarang Kalinga at Saklolo Para Sa Mga OFW Nangangailangan (AKSYON) Fund program.
Kadaklan sa mga OFWs an gikan sa Saudi Arabia, United Arab Emirates, Kuwait, Qatar, asin Oman.
Paliwanag kan opisyal an financial na assistance na nareseber kan mga ini an depende sa manlaen-laen na kaso.
Apwera sa mga nasambitan, nagtatangro man an DMW nin reintegration services kabali na an financial literacy programs, skills training, psychosocial interventions, asin referrals sa saindang partner agencies para sa kadakol na asistensiya.
Sa ngunyan, pigsierto na sana kan ahensiya na padagos an saindang ginigibong mga lakdang tanganing matabangan an mga repatriated overseas Filipino workers sa Rehiyong Bikol.
