Presenteng nasa Arlington Memorial Chapels and Crematory sa Quezon City an lawas ngunyan ni dating Department of Public Works and Highways Secretary Catalina Cabral.
Pasado alas-3:00 nin mag-uumagahon kasubago kan mag-abot an saiyang lawas sa Metro Manila gikan sa Tuba, Benguet kun saen nahiling an lawas na mayo ng buhay sa gilid kan Bued River.
Basado sa report bandang alas-11:45 nin banggi, December 20, 2025 kan ibiyahe an lawas ni Cabral gikan sa Benguet.
Nanutaran kan news team kan Bombo Radyo Philippines sa Arlington Chapel na nagpadara nin burak si dating DPWH Secretary Manuel Bonoan kun saen nagpa-abot ini nin pakikidumama sa pamilya kan namayapang dating opisyal kan DPWH.
Advertisement
Advertisement
