NAGA CITY- Nakipag-koordinar na an lado kan Bicol Cental Station sa mga kapulisan para sa segridad kan mga pasahero ngunyan na Holiday Season.
Sa entrevista kan Bombo Radyo Naga ki Nonoy Reforsado, Head, Bicol Central Station, sinaysay kaini na makaka asegurar man sinda para sa police visibility huli ta yaon man pirme an presesnya kan PoLice Station 5.
Katakod kaini, saindang sulementeng request iyo an pag roving kan mga PNP Personnel sa laog mismo kan terminal. Sa paagi kaini, masisiguro an salbadong pagbyahe kan lambang mga pasahero sa tabang man kan LTFRB asin LTO.
Sigun ki Reforsado, sa siring na may kasiributan partikular na an holiday season, nagpapaluwwas sinda nin memorandum sa no day off policy tangani masierto na kumpleto man giraray an mga tauhan o empleyado kan Bicol Central Station.
Sa ngunyan, naglalaom an opisyal an importansya kan pagdugang nin mga buses an lambang mga Bus Companies hasta sa primerong semana kan Enero 2026 para sa nilalaoman na dagsa kan mga pasahero na paluwas asin palaog nin probinsya nin Camarines Sur.
