Padagos na dinadangog kan Land Transportation Franchising and Regulatory Board (LTFRB) an mga petisyon kan mga grupo nin transportasyon na naghahagad nin paglangkaw kan pamasahe.
Segun ki Department of Transportation (DOTr) Secretary Giovanni Lopez, tinatapos na sana ninda an mga pagdangog bilang parte kan proseso.
Importante na bako sana an lado kan grupo nin transportasyon an dangogon, kundi pati man an lado kan mga pasahero.
Naglalaom ini na sagkod sa bulan nin Oktubre, magkakaigwa na sinda nin resulta kan nasabing pagtiripon kun aaprubaran an hinahagad na paglangkaw kan pamasahe.
Tig-siserto man kan Kalihim na naggigibo nin paagi an gobyerno tanganing magtao nin suporta sa mga operator nin transportasyon asin mga pasahero huli sa padagos na paglangkaw kan presyo nin krudo sa nasyon.
