Inapod kan abogado ni dating Ako Bicol Rep. Elizaldy Co, na si Atty. Ruy Rondain, komo “imbento” an alegasyon ni Interior Sec. Jonvic Remulla na nagkamkam si Co nin bilyun-bilyon sa cryptocurrency sa ibang nasyon asin nagpatindog nin mansyon sa Forbes Park na igwang hasta limang basement tanganing itago an kwarta.
Sigun ki Atty. Rondain, an basement an split-type asin lara sa lunadan sana, alinsunod sa regulasyon kan village, asin mayong ebidensiya na piggagamit ini kono imbakan kan kwarta.
Pig-angat kaini si Remulla na tukuyon an source kan nasambitan ng impormasyon. Marurumduman kan nakalihis na Martes, sinaysay ni Sec. Remulla sa mga kawani kan media na nagpapatindog soboot an nagbutas na lehislador nin 5 palapag na basement sa saiyang harong sa Forbes Park alagad napauntok soboot an konstruksiyon kan magputok an iskandalo sa anomalya sa flood control projects kan nakalihis na Agosto.
Kun marurumduman, nagbutas si Co kan nakalihisbna Setyembre, makalihis na maimbwelto an saiyang kumpaniya na Sunwest Corp. sa sovior ghost asin sustandard flood control projects sa Oriental Mindoro.
Igwang arrest warrant na iniluwas kontra sa saiya asin sa nagkapirang opisyal, asin pinuonan na kan gobyerno an proseso tanganing ikanselar an saiyang pasaporte.
Kaibahan man ini asin si dating House Speaker Martin Romualdez sa kaso kan soboot bilyon-bilyong insertions sa 2025 National budget.
